Ang paglisan.

September 19,2011

Bakit may mga bagay na dapat mawala sa’yo? Palitan natin ‘yung tanong… Bakit may mga taong dapat mawala sa’yo?

Not really “mawala” but figuratively speaking, once they left you alone, super masasaktan ka?

‘Yung tipong hindi mo kayang i-accept ‘yung katotohanang sinasabi sa’yo ng mga kaibigan mo na “Uy! Iniwan ka na niya. Ano ka ba?!”

Kahit paulit-ulit ka nilang paalalahanan, wala kang pakielam dahil siya pa rin ‘yung hinahanap mo.

Hindi ba nila alam na napakasakit na maramdamang iwan ka ng taong mahal mo?

Iiwan ka niya dahil nasasaktan siya sa mga ginagawa mo lalo na kung lagi mo siyang sinusumbatan na siya lagi ‘yung dahilan kung bakit kayo nag-aaway. Minsan naman, nasasakal na siya sa mga ginagawa mo.Or worst, may iba na siyang mahal.

Ano nga ba ang problema sa sitwasyong ganito?

Hindi ba, PRIDE lang naman?

Kung hindi naman kayo magpapataasan ng pride at may isang nagpapatawad agad o humihingi nang patawad, hindi lalaki ang mga problema niyo.

Sayang naman ‘yung pinagsamahan niyo kung masisira lang dahil sa napakaliit na bagay at dahil mataas ‘yung pride niyo.

Pero, ika nga nila, hindi mo mapipigilan ang taong umalis sa buhay mo.

May dahilan kung bakit hinahayaan ng Panginoon ‘yun.

Masakit man para sa’yo, ‘yung dahilan na ‘yun ay mas ikabubuti ninyo.

Hindi ko sinasabing lahat ng tao ay ganito.

Ang nais ko lang iparating ay walang mangyayaring maganda sa buhay mo kung ang PRIDE ang paiiralin mo.